Sipas disa rezultateve që kanë dalë në media lideri më i votuar në zgjedhjet e 11 qershorit del të jetë Albin Kurti me 136.625 mijë vota pas tij është Kadri Veseli Avdullah Hoti e Ramush Haradinaj, shkruan Arbresh.info

Kandidati për kryeministër nga koalicioni PAN (PDK-AAK-NISMA) Ramush Haradinaj del të jetë më pak i votuari duke u renditur i katërti me 98,458 mijë vota .

Nënkryetari i AAK-së Ahmet Isufi në një prononcim për arbresh.info ka thënë se votat e Ramushit janë simbolike dhe se ai ka marrë më pak vota pasi që ishte i dyti në listë.

“PDK ka pas më  shumë vota prandaj sipas partive ka dhe vota, Ramushi ka më shumë vota se në vitin 2014-të dhe i pari në listë është kadri Veseli sipas praktikës  çdo herë i pari në listë tërheq votën e votuesve,  për ne është normale kjo pasi që Ramushi ka marrë votë solide në këto zgjedhje”.tha ai/arbresh.info/